માણસાઇ ની કિંમત

             🌸 માણસાઇ ની કિંમત 🌸

આજે હું તમને એક મોટી કંપનીના માલિકની વાત કરી રહ્યો છું વાત ધ્યાન પુર્વક વાંચો અને તેમાંથી જે પણ શીખવા મળે તેને તમારા જીવનની અંદર ઉતારો.

એકવાર આ માલિકની કંપનીમાં એક કર્મચારીથી ખૂબ જ મોટું નુક્સાન થયું જેની આશરે રકમ  (પચાસ લાખ રૂપિયા ) જેટલી હતી . કર્મચારી આ કંપનીમાં ૨૫ વર્ષથી નોકરી કરી રહ્યો હતો અને આ ૨૫ વર્ષમાં પહેલીવાર આવી મોટી ખોટ કંપનીને એના લીધે આવી હતી. પોતે તો ઘણો જ ઉદાસ અને માલિકને મોઢું કેવી રીતે બતાવવું એના વિચારમાં ફરતો હતો. પણ શું થાય આ વાત માલિક સુધી પહોંચે તો ખરી જ , માલિકને ખબર પડી કે આ કર્મચારીના લીધે મારી કંપનીને  પહેલીવાર આટલી મોટી ખોટ પડી છે. માલિકે કર્મચારીને પોતાની ઓફિસમાં બોલાવ્યો . કર્મચારી ઓફિસમાં આવતા ડરતો હતો એને તો એવા વિચાર આવતા હતા કે હવે ખોટ તો ભોગવવાની અને નોકરીમાંથી પણ કાઢી મુકશે
પણ છેવટે કર્મચારી ઓફિસમાં પ્રવેશ્યો.
માલિક :  આવો , ખુરશીમાં બેસો .
કર્મચારી :   (મનમાં વિચારતા ) હાશ  માલિકના ચહેરા પરથી લાગતું હતું કે માલિક એટલા બધા ગુસ્સામાં નથી જેટલું નુકસાન થયું છે અને પોતે ખુરશીમાં બેઠો.
માલિક :  લો પાણી પીવો  અને તરત જ બોલ્યા ચા લેશો કે ઠંડું ?
કર્મચારી : ના ના બસ , એમ કરી થોડું જગમાંથી ગ્લાસમાં પાણી રેડ્યું ને પીધું  અને માલિક સામે જોઈ રહ્યો.
માલિક : ( શાંતિ પૂર્વક બોલ્યા ) હા તો મે તમને એટલે અહી બોલાવેલા કે મે  તમને જે પ્રોજેક્ટ આપેલો એમાં ખોટ ગઇ છે એનું તમે શું વિચાર્યું  ?
કર્મચારી : હવે ચોક્કસ મારી નોકરી પણ જશે અને મારે આ  ખોટ આવેલી રકમની ચુકવણી પણ કરવી પડશે .
આવો વિચાર કરતા હતા ને માલિક બોલ્યા
માલિક :  હું તમને એક કાગળિયું આપુ છું . તે વાંચો અને પછી આપડે તે પ્રોજેક્ટ પર આવેલી ખોટ પર વાત કરીએ .
કર્મચારી ના હાથમાં કાગળિયું આપ્યું
કર્મચારી વાંચે છે : અંદર લખ્યું હતું કે તમે મારા પિતા  આ કંપનીના માલિક હતા ત્યારથી આ કંપનીમાં નોકરી કરો છો અને છેલ્લા ૨૫ વર્ષમાં તમે આ કંપનીને જે પણ આપ્યું છે જેમકે તમારી  ( ઈમાનદારી , કામ કરવા પ્રત્યેનું પ્રોત્સાહન અને માર્ગદર્શન અને બીજું પણ ઘણું બધું અમારી કંપની માટે તમે કર્યું છે તેની સામે આ આવેલી ( પચાસ લાખ ) રૂપિયાની ખોટ ખૂબ જ ઓછી છે. માટે આ કંપનીમાં તમને હું કાઢી મૂકવા નથી માગતો અને તમને એક ઉપરની પોસ્ટ નું પ્રમોશન આપવામાં આવે છે જેના દ્વારા તમે  આ આવેલી ખોટ માટે મોટા નિર્ણયો અને મોટી જવાબદારી સમજીને થોડાક જ સમયમાં આ ખોટ પૂરી કરી શકો અને પોસ્ટને ધ્યાનમાં રાખીને તમારો પગાર પણ વધારવામાં આવે છે .

કર્મચારી આ બધું વાંચીને  તેના માલિકને ખૂબ ખૂબ આભાર માને છે અને તેમને એક વચન આપે છે કે હું  આજથી જ આ આવેલી ખોટ પર ફરીથી એકવાર કામ કરવા માગું છું અને મારી થયેલી ભૂલને સ્વીકારતા ફરી વાર આવી ભૂલ ના થાય તેની કાળજી રાખીશ અને થોડાક જ સમયમાં આ ખોટ પૂરી કરી દઈશ અને જ્યાં સુધી જીવીશ ત્યાં સુધી તમારી કંપની માટે હું જે પણ કામ કરીશ તેને હું ખૂબ જ ધ્યાન પુર્વક કરીશ .એટલું કહી પ્રોજેક્ટ ની ફાઈલ હાથમાં લઇ અને માલિકને આભાર વ્યક્ત કરતા , કર્મચારી ઓફિસમાંથી બહાર જવા માટેની રજા લે છે .

મને લાગે છે આ નાનો પ્રસંગ તમને તમારી જિંદગીમાં ક્યાંક ને ક્યાંક કામ જરૂર લાગશે તે ધ્યાનમાં રાખીને હું આ તમને મોકલું છું .
      વાંચવા માટે આપનો ખુબ ખુબ આભાર
                                                      - ઉરવ અને અંગ્રેજી માં હરિત