🌸 "વ્યક્તિ ના વિચાર" 🌸

જીવન વિચારોથી બને છે. જેના જેવા વિચાર એવી એના જીવનની કારકિર્દી. માણસના મનમાં હજારો વિચારો આવતા હોય અને તેમાં પણ નેગેટિવ વિચાર આવવા એ સામાન્ય વાત છે અને પોઝિટિવ વિચાર આવે તો એને અમલમાં મૂકવો એ મુશ્કેલ છે.
 દા.ત.,  કોઈ મિત્ર આપણા ઘરે આવીને કહે ચાલ આજે કંઇક બીજાથી અલગ કરીએ હવે આમા મિત્રનો વિચાર પોઝિટિવ છે જ્યારે આપણે એને કહીએ અલ્યા કરીએ તો ઠીક પણ કદાચ બગડી જશે તો બીજા લોકો શું કહેશે આપણને.. ?  હવે અહી આપણને બીજા શું કહેશે એનો વિચાર પહેલો આવ્યો પણ મિત્ર કંઇક બીજાથી અલગ કરવાનું કહે છે તેમાં તેને ભાગીદારી આપુ તેવો વિચાર ના આવ્યો. વિચારથી માણસ પર શું પ્રભાવ પડે છે તે આપણે વાર્તા પરથી જાણીએ.
        એક શહેરમાં એક ધનિક માણસ રહેતો હતો
તે પૈસે ટેકે તો સુખી હતો જ પણ સાથે સાથે સમાજમાં
પણ સારા સબંધો હતા અને ધંધામાં પણ સારી એવી ઓળખ હતી અને તેનાથી તે સારા એવા રૂપિયા કમાતો હતો. એક દિવસ તેના ઘરે એક માણસ આવ્યો તેને આ ધનિક માણસને જોઈને કહ્યું ભાઈ તમારે તો સુખ શાંતિ છે નહિ  અને રૂપિયા પણ તમે તો સારા એવા કમાવ છો
 પણ એક વાત કહું મોત તમને પણ આવશે જ . ધનિક  ભાઇએ ફરી પૂછ્યું શું ? ત્યારે પેલા આવેલા ભાઇએ કીધું કે તમે આટલું બધું કમાવ છો તમે ધનિક છો અને તમારે બીજી પણ ઘણી બધી સુખ શાંતિ છે પણ મોત તો તમને પણ આવશે જ. હવે આ બાજુ આ ધનિક ભાઇએ ક્યારેય આવો વિચાર જ ન કર્યો હતો કે મોત મને પણ આવી શકે. ત્યારે પેલા ભાઇએ વાત વધારતા કીધું એક વાત કહું સાંભળો.
 તમારી જેમ એક ધનિક માણસ હતો તે પણ તમારી જેમ જ સુખ શાંતિ વાળો હતો છતાં પણ ધન કમાવામાં જ હંમેશા વ્યસ્ત રહેતો હતો એક દિવસ તે  ૪૦ વર્ષની ઉંમરે મરણ પામ્યો અને બધું જ અહી મૂકીને ગયો .
આ વાત સાંભળી આ બાજુ ધનિક માણસના મનમાં વિચાર આવ્યો કે શું મોત વૃધ્ધ થયા પહેલા પણ આવે,
શું કોઈ બીમારી વગર પણ માણસ મરી શકે ? આ બધું
સાંભળી રહેલો પેલો માણસ કહે હા ભાઇ મોત ગમે ત્યારે આવે તેનું કોઈ નક્કી ના હોય. બસ આટલું કહી પેલા આવેલ ભાઇએ ત્યાંથી રજા લીધી.
     આ બાજુ ધનિક માણસના મનમાં એક જ વિચાર આવવો લાગ્યો કે શું મારું પણ મોત વહેલું આવશે.
શું મારે પણ આ બધું મૂકીને જ જવું પડશે. આ બધા વિચારો કરવામાં ના ખાવાનું ભાવે , ના બીજા કોઈ કામમાં મન લાગે હવે તો  ધંધામાં પણ ધ્યાન ઓછું થવા માંડ્યું ને બસ એક જ વિચાર આવે મારું મોત ગમે ત્યારે આવી શકે છે. છેવટે ધનિક માણસની પ્રગતિ થતી અટકી ગઈ, તબિયત બગડવા લાગી અને શરીર એકદમ દુબળું પાતળું થઇ ગયું હતું.
 એક દિવસ એના ઘર બાજુથી એક મહાત્મા જઈ રહ્યા હતા તેમણે આ ધનિક માણસને જોયો અને પૂછ્યું અરે તારી આવી હાલત કેવી રીતે થઇ ગઇ ત્યારે ધનિક માણસે આખી બનેલી વાત  મહાત્માને કરી. મહાત્મા સમજી ગયા આ માણસને શું થયું છે તેમણે ધનિક માણસને કહ્યું કે તારા વિચાર બદલાય ગયા છે તને બસ હવે એક જ વિચાર આવે છે કે મારું મોત આવશે , મારું મોત આવશે પણ ભાઇ જે હજુ કંઇ બન્યું જ નથી તેના પર ખોટા વિચારો શું કરવા કરે છે જે થવાનું છે તે સમય પર થશે જ તો આવા ખરાબ વિચાર કરીને તું કેમ તારું જીવનનાં દિવસો બગાડી રહ્યો છે. પહેલા તો તું કેવું વિચારતો હતો કે અને અત્યારે કેવું વિચારે છે  આ વિચારોના લીધે જ તારી પરિસ્થિતિ આવી થઇ ગઇ છે. ભલે તારું મોત કાલે આવતું હોય તો આજે આવે પણ તું તારા મનમાં એક વિચાર કરી દે કે મારું મોત આવે ત્યાં સુધી બસ મારે સારું જીવવું છે અને તું હતો એવો પાછો બની જઇશ અને તને મોતની બીક ક્યારેય નહી લાગે. મહાત્મા તો ત્યાંથી નીકળી ગયા અને પંદર દિવસ પછી જોવા આવ્યા તો ધનિક માણસમાં ઘણો ફરક પડી ગયો હતો તેનું શરીર હવે પહેલા જેવું થવા આવ્યું હતું  હવે ધંધો પણ સારો એવો ચાલતો હતો તેણે તો મહાત્માને જોતા જ તેમના પગમાં પડી ગયો અને કહેવા લાગ્યો  હે મહાત્મા તમારો આભાર માનું એટલો ઓછો છે. આજે હું મારી હતી એવી પરિસ્થિતિમાં પાછો આવ્યો હોય તો
એ તમારી જ સલાહ સુચનના કારણે  ત્યારે મહાત્માએ ત્યારે ખૂબ જ સરસ વાત કરી  જે આપણા બધાના જીવનમાં પણ ખૂબ જ કામ લાગે તેવી છે.
મહાત્મા એ કહ્યું : જો ભાઇ આ દુનિયામાં દરેક પ્રકારના માણસ હોય છે પણ એટલું યાદ રાખવું કે દરેક માણસ તમને સાચી જ સલાહ આપે એવું ના હોય  થોડા દિવસ પહેલાં કોઇ વ્યક્તિ તને જે વાત કહી ગયો હતો તેના લીધે તારા મનમાં કેવા વિચાર આવવા લાગ્યા હતા જ્યારે હું તને કેવી સલાહ આપી શક્યો જેનાથી તારું જીવન હતું એવું પાછું બની ગયું એટલે વાત મુખ્ય મારે   એ જ કરવી છે કે ક્યારેય કોઈની વાતમાં આવીને આપણે ખોટા વિચારો નથી કરવાના કારણકે વિચારો વર્તનમાં ફેરવાય છે અને વર્તન આપણા ભવિષ્યને બગાડે છે અને ભવિષ્ય આપણા જીવનને માટે હંમેશા
કોઈનું સાંભળ્યા પછી નિર્ણય આપણે કરવાનો કે મારે શું કરવું છે મારે તેના પ્રત્યે શું વિચારવું છે. જીવન આપણું છે તો નિર્ણય પણ આપણા જ હોવા જોઇએ. નહિ તો બીજાની વાતોથી આવેલા મનમાં ખરાબ વિચારો ક્યારે જીવન ખરાબ કરી નાખશે તેની પલ વારમાં પણ ખબર નહિ પડે .
         હું  સારો છું આ મારો સારો વિચાર છે પણ બીજો વ્યક્તિ મારા જેટલો સારો નથી એ મારો ખરાબ વિચાર છે. આવા જ વિચારો જીવનનું પતન કરી શકે છે.